Хүүхэддээ чангаар дуудаж өгөөрэй

Хүүхэддээ чангаар дуудаж өгөөрэй

2012-04-26 12:10:34

Монголчууд эртнээс багачууд хүүхдүүддээ үлгэр домог хуучлан өгч, түүгээр дамжуулан хүн байхын утга учрыг сургаж, эх нутаг, байгаль, эцэг өвгөдөө шүтэн дээдлэхийн учрыг ухуулан ойлгуулж ирсэн үлгэрч ард түмэн билээ. МЗЭ-ийн шагналт яруу найрагч Б.Эрдэнэсолонго дээрх жишгийг орчин цагийн монгол гэр бүлүүд ч бас өвлөн үргэлжлүүлж байхыг билэгдэн "Ихэл хатны найман цагаан домог" туульсыг бичиглэн туурвиж, худалдаанд гаргалаа. Үр хүүхэд чинь амьд бүхнийг хайрлан энэрэхүйн эрдэмд багаасаа суралцаасай хэмээвээс эрхэм та дээрх домгуудыг үдэш бүр хүүхдүүддээ уншиж өгөөрэй. Орой бүр хүүхэд чинь сонирхолтой үлгэрээ үргэлжлүүлэн сонсохын тулд орондоо яаран орох биз ээ.

• Ээжийнхээ өвчнийг эдгээхээр асга хадат уулсыг даван ижийгээ үүрэн явсаар диваажин лугаа гайхамшигт цэцэрлэгт хүргээд мөнхийн рашаан хүртээж буй сайн хүүгийн тухай өгүүлэх "Ижий цагаан домог"...

• Хугацаа халаагүй албанд мордож, харийн газарт боолчлогдон зовж буй хань нөхрөө үнэнчээр хүлээн, уулыг уяртал, талыг тайтгартал, тэнгэрийг санааширтал ерөөл тальбин сүүгээ өргөсөөр буй сайхан ханийн тухай өгүүлэх "Ханийн цагаан домог"...

• Ноёнтой тэрсэж, номхонтой нөхөрлөдөг сэтгэл сайт анд нөхрөө хаацайлан хамгаалсаар амь юугаан өгч буй ачлал журамт анд нөхрийн тухай "Андын цагаан домог"...

•  Олон хүний үрсийг зааглан ялгалгүй дэргэдээ авч, ажилд сурган, амьдралд бэлдэж, үлгэр домгийн сайхнаар үр ачаа өсгөн жаргаж буй ухаант хоёр буурлын тухай "Буурлын цагаан домог"...

• Эх нутаг, үр хүүхэд, хань бүл, эцэг эхийнхээ төлөө амь хайргүй тулалдсаар сөхрөн унах эрэлхэг баатрууд ээж нарынхаа бүүвэйн дуугаар эргэн хөл дээрээ босоод, энэ бүхэнд дэм болох уул усны эзэн савдагуудтай хамтран харийн түрэмгийлэгчдээс эх нутгаа чөлөөлж буй "Бүүвэй цагаан домог"...

• Амьд бүхний ээж, амьдрал бүрийн эхлэл босон ивгээлт наран нэгэн цагт хүмүүсийн дунд хэрхэн төрж, хэрхэн өсөж, хайр элбэрэлээрээ хүн төрөлхтнийг ивэн хайрлаж байсан тухай өгүүлдэг "Нарны цагаан домог"...

• Бидний эцэг өвгүүд, элэн хуланцууд ууландаа сууж, усандаа шингэж хожмын хожим, үеийн үед үр хүүхэд биднийгээ ивээж энэрсээр явдаг онцгой үйлийн тухай өгүүлдэг "Уул усны цагаан домог"...

• Эх нутгаасаа алсад зарагдан яваад, жилийн газраас төрсөн нутгийхаа зүг амь тэмцэн зүтгэсээр эргэн ирдэг шандаст хүлгийн тухай өгүүлдэг "Хүлгийн цагаан домог".... гэх мэт өгөөжтэй, ухааралтай, сургамжтай түүхүүдийг домогчлон өгүүлэх энэхүү найман цагаан домог нь бидний уул усыг баясгаж, өвөг дээдсийн хэлж амжаагүй үгсийг сануулж, үр хүүхдийн маань сэтгэл зүрхэнд гэрэл гэгээ нэмэх биз ээ.

Жич: Энэхүү номын хавтасны зургийг манай зураач Агай урлаж, чимэг зургуудыг миний бие чадан ядан дөхүүлсэн бөгөөд цагаан бүхний тухай өгүүлэх "Ихэл хатны найман цагаан домог"-ийг олон нийтэд хүргэх ажлыг "Цалиг" хэвлэлийн газрын хамт олон маань гардан хийснийг талархан дурдмаар байна.
Алтайн уулсыг сэтгэлдээ зураглан байж бүтээсэн эдгээр домгууд танд болон танай гэр бүлийн сэтгэл зүрхэнд үнэтэй хувь нэмэр оруулах биз ээ хэмээн найдаж байна.

Эх сурвалж:  http://bolor7erdene.blog.banjig.net/post.php?post_id=106239#

"Аянчин"-аяны эвхдэг гэрийн анхны хэрэглэгчиддээ баярын мэнд хүргье

Монгол гэрийг цүнхэнд багтдаг болгочихоод нөгөө мөнгө энэ тэрийн нөөцөөс болоод хүлээлттэй байтал Гүррагчаа гуай захиалга өгч, ажлаа эхэлж билээ. Удалгүй яг тийм гэр гэсээр захиалгууд ирж, сансрын нисэгч М.Ганзориг ч мөн захиалж билээ. Сансрын баатрууддаа баярын мэнд хүргэнгээ, өчүүхэн бизнесийг минь дэмжсэнд талархаж явдгаа илэрхийлье. Та бүхэндээ эрүүл энх, сайн сайхныг ерөөе.

Элэг цэвэрлэх үе

Гэр бүлээрээ, найз нөхдөөрөө хэлэлцэн элгээ цэвэрлэдэг болсоор тав дахь хавраа угтаж байна. Хоолоо сойгоод, сүүлдээ хоолгүй бүтэн гурван хоног явах нь хэцүү санагддаг ч, элэг бүтэн амьдралд нэмэр болуужин хэмээн таслахгүйг хичээдэг. Бас хар толгойгоо бодсон ч хэрэг байх. Элэг цэвэрлэх тухай мэдээлэл энд бий.

Миний үеийнхний элэг эрүүл мөртөө ихэнх хэсэг нь зүгээр л ажиллахгүй, идэвхигүй байна гээд уншихаар, мөн энэ агаар, хүнсний зүйлсийг бодохоор цэвэрлэмээр санагддаг. Мацаг барьж, бургуй тавьж, одоо ч цэвэрхэн байгаа гэж бодож байсан ходоод гэдэснээс ямар аймшгийн юм гардгийг харсан болохоор цэвэрлэмээр санагддаг. Бодвол элэгний суваг судалд хуримтлагдсан шаар шавхдас юм байлгүй дээ.

Та ч мөн сонирхоод үзээрэй. Хорин хэдтэй залуус бол шаардлагагүй биз ээ. Мөн элэгний үрэвсэлтэй, цөсөндөө 2 см-ээс том чулуутай бол энэ аргыг хэрэглэж болохгүй.

• 3 сарын 12-ны өдөр. Даваа. Цэвэрлэгээ эхэлнэ. Цагаан хоол.
• 3 сарын 13-ны өдөр. Мягмар - Цагаан хоол
• 3 сарын 14-ны өдөр. Лхагва - Цагаан хоол
• 3 сарын 15-ны өдөр. Пүрэв - Мацаг. Зөвхөн ус ууна.
• 3 сарын 16-ны өдөр. Баасан - Мацаг. Зөвхөн ус ууна.
• 3 сарын 17-ны өдөр. Бямба - Мацаг. Зөвхөн ус ууна. Орой нь гэдэс дотроо бургуй тавих зэргээр цэвэрлэнэ. Бэлтгэсэн 1 стакан оливийн тос, 1 стакан нимбэгний шүүсээ 21-22 цагийн хооронд ээлжлэн балгасаар ууж дуусгаад, элгэн дээрээ халуун жин тавьж хэвтэнэ. Элгээ улайссан гэж төсөөлөн амьсгалын дасгал 30 минут хийнэ.

• 3 сарын 18-ны өдөр. Ням. Амарна. Өглөөний цайнд лууван, алимны шүүс хэрэглэнэ. Өдөр зүсэм хар талх, луувантай иднэ. Оройдоо хөнгөн хооллоно. Маргаашнаас нь хэвийн хооллож, цэвэрлэгээг дуусгана.

ИХЭЛ ХАТНЫ НАЙМАН ЦАГААН ДОМОГ

Яруу найрагч Б.Эрдэнэсолонго “Ихэл хатны найман цагаан домог” гэдэг томоохон хэмжээний туульсын зохиол бичсэнийг “Цалиг” студи дүрсжүүлж, “Цалиг” хэвлэлийн газар ном болгон хэвлэхээр боллоо. Продюсер Ш.Должинсүрэн, Д.Батцэнгэл, гар сэтгэл нийлэн ажилласан уран бүтээлчдэд талархал илэрхийлье.

Сайн бүхэн дэлгэрэх болтугай.

Сар шинэдээ сайхан шинэлээрэй.

Эх сурвалж: http://galaarid.mn/

Хууль ярьсан

Хууль барьсан
Хулгайч дээрэмчдийн vvрэнд
Нар тусах
Найдвар тун бага байна

Б.Эрдэнэсолонго
/Єєртєє бичсэн захидал-track 27/

“Sony center” дэх монгол гэр

Берлиний төвд орших Пост­дамын талбай нь өнгөрсөн зууны эхэн үеэс тус хотын бизнесийн төв байсан. Тэр үед өдөрт 20 мянган машин тавих зогсоолтой байсан гэдэг. Тиймээс 1924 онд Постда­мын талбай дээр анхны гэрлэн дохиог байрлуулжээ. Ийнхүү Европт анх гэрлэн дохиог ашиглаж эхэлсэн түүхтэй. Дэлхийн хоёрду­гаар дайны дараа баруун, зүүн хоёр Германы хил болж Пост­дамын талбай хоёр хэсэгт хуваагд­сан байсан. Герман эргэн нэгдсэ­нээс хойш тус талбай дахин Бер­ли­ний соёл амралт, худалдаа арилжааны төв болсон. Энд Бер­линий олон улсын кино наадам зэрэг дэлхийд нэртэй томоохон арга хэмжээнүүд болдог уламж­лалтай. Постдамын талбайн нэг бахархал нь "Sony Center" буюу Sony төв. 1996 онд япончуудтай хамтран тус төвийн тулгын чулууг тавьснаар "Sony Center" барьж эхлэн 2000 онд ашиглалтад оруул­сан. Орчин үеийн архитектурын гайхамшгийг илтгэсэн тус төв нь 103 метрийн өндөртэй долоон шилэн байшингаар хүрээлэгдсэн. Эдгээр байшин шилэн дээв­рээр холбож өгсөн нь монгол гэрийн тооныг санагдуулна. Жил бүрийн нэгдү­гээр сард "Sony Center" -т гурван монгол гэр барь­даг уламж­лалтай. Ингэснээр тус төвөөс зохион бай­гуулдаг томоо­хон арга хэмжээ эхэлдэг. Дөрвөн өдөр үргэлжилдэг зохиолч уншигч­дын уулзалт нь гурван монгол гэрт болдог. "Монгол гэр дэх түүх" нэртэй уг арга хэм­жээнд энэ жил уран бүтээлээрээ дэлхийд нэр гараад буй 35 зохиолч уригдан оролцсон. Чухам яагаад уг арга хэмжээг монгол гэрт зохион байгуу­лах болсон талаар тодруу­лахаар "Sony Center"-ийн дарга, хатагтай Керри Райхетэй уулзсан юм.

-Хатагтай Райхе танай төвөөс жил бүр зохион байгуулдаг зо­хиолч уншигчдын уулзалтыг яагаад монгол гэрт хийхээр болсон юм бэ?

-"Sony Center" бол Берлиний томоохон соёл, амралтын төв. Энд кино театр, дэлгүүр, тансаг зоогийн газрууд зэрэг хүмүүс чөлөөт цагаа сайхан өнгөрүүлж, амрах бүх бо­ломжийг бүрдүүлж өгсөн. Тиймээс бид энд ирж буй хүмүүсийг тав тухтай байлгах үүднээс уг арга хэмжээг зохион байгуулах болсон. Ингэхдээ эртний уламж­лалтай, байгаль орчинд ээлтэй, том биш зүйл байх ёстой хэмээн үзсэн. Нэлээд судалгаа хийсний эцэст монгол гэр хамгийн их тохирсон. Монгол гэр дотор бай­хад тооноор нь манай төвийн шилэн дээвэр харагддаг. Түүнээс гадна энэ хоёр нь эртний бөгөөд орчин үеийн архитектурын маш сайн хослол болж өгсөн гэж бид үздэг. Тиймээс бид зохиолч, уншигч­дынхаа уул­залтыг монгол гэрт хийхээр болсон юм.

-Хэзээнээс монгол гэрт энэ арга хэмжээг зохион байгуулах болсон бэ?

-Энэ жил 11 дэх удаагаа хийлээ. Бид 12 жилийн өмнө Монголоос гурван гэр худалдан авч Берлинд авчирсан. Германд тээвэрлэн авч­рахад амаргүй байсан. Яагаад гэхээр Оросын хил дээр нэлээд удсан. Авчирсан хойно нь монгол гэрийг яаж барих талаар гарын авлига байгаагүй тул бид яахаа мэдэхгүй болсон. Бидэнд ХБНГУ дахь танай ЭСЯ тусалж "Sony Center"-т монгол гэрээ барьсан түүхтэй.

-Танай арга хэмжээнд дэл­хийд нэртэй Германы болон гадаадын зохиолчид оролцдог. Тэд монгол гэрийг хэрхэн хүлээж авч байна?

-"Sony Center" бол маш нэртэй. Тиймээс бидний урьсан зохиолчид ийм нэртэй газар монгол гэрт уулзалтаа хийж байгаадаа их талархдаг. Орчин үеийн байшин барилгын дунд монгол гэр байгааг хараад их гайхдаг. Түүнээс гадна уран бүтээлч нь уншигчтайгаа маш ойрхон байдаг нь тэднийг бие биеэ мэдрэх мэдрэмжийг бий болгож өгдөг.

-Түүнээс гадна хүүхдүүдэд зориулсан уулзалтыг зохион байгуулдаг. Энэ талаар?

-Би уг арга хэмжээг анх зохион байгуулж эхлэхдээ хүүхдүүдэд зориулсан уулзалтыг зохион бай­гуулж ирсэн. Өнөө үед хүүхдүүд ном уншихаа больсон тухай их ярьдаг. Тиймээс ч үүнд бид нэлээд ач холбогдол өгсөн.

-Танай арга хэмжээнд орол­цо­хоор ирсэн хүмүүс монгол гэрийн талаар нэлээд асууж сонирхдог болохыг би анзаар­сан. Танайх ажилтнууддаа мон­гол гэрийн талаар урьдчилан мэдээлэл өгч бэлддэг үү?

-Тэгэлгүй яахав. Манай ажилт­нууд зохиолч болон ирж хүмүүст монгол гэрийн талаар тайлбар өгдөг. Тэд олон жил ажиллаж байгаа болохоор энэ талаар сайн мэдлэгтэй.

Берлин дэх сурвалжлагч Ю.ДЭЛГЭРМАА

Эх сурвалж: http://www.dailynews.mn/

АНУ-ын Конгрессоос Хятадын компаниудын үйл ажиллагааг шалгаж эхэлжээ

-ХАРИН ТЭР КОМПАНИ НЬ МАНАЙД ТЕНДЕРТ ЯЛСАН БАЙНА-

АНУ-ын эрх баригчид Хятадын "Хуавей техно­логи" (Huawei Techno­logies Со), "3и Ти И" (ZТЕ Согр) зэрэг компаниудын үйл ажиллагаа нь Хята­дын эрх баригчдад тус улсын нутаг дэвсгэр дээр техник, электрон тагнуу­лын үйл ажиллагаа явуу­лах боломж, нөхцөлийг бүр­дүүлж улмаар үндэс­ний аюулгүй байдалд аюул занал учруулж бай­на хэмээн үзжээ. Энэ та­лаар Цагаан ордны гар­гасан дүгнэлт саяхан "Wall street" сэтгүүлд нийт­лэгд­сэн байна.

Тэд холбооны сүл­жээг эвдэх, ажиллагаагүй бол­гох, хэрэглэгчдийн утасны яриаг чагнах, электрон шууданг хянах, шуудан­гаар дамжиж буй мэдээ, мэдээллийг олзлох зориу­лалт бүхий техник хэрэгс­лийг АНУ-ын зах зээлд нийлүүлэхэд Хята­дын Зас­гийн газрын нууц орол­цоо, дэмжлэг байгаа хэмээн хардаж байгаа аж.

Тиймээс Конгрессын төлөөлөгчдийн танхимын Тагнуулын хорооноос дээрх компаниудад шал­галт хийжээ. Тус хорооны дарга Майк Рожерс "Бид "Хуавей", "Зи Ти И" зэрэг Хятадын томоохон ком­паниудад тусгай албатай хамтран шалгалт хийж байна" хэмээн мэдэгдсэн байна.

Уг шалгалтаар Хята­дын компаниуд АНУ-ын харилцаа, холбооны сал­барт ямар техник, то­ног, төхөөрөмж нийлүүл­дэг, тагнуулын мэдээ, мэдээ­лэл цуглуулах зо­риулалт бүхий техник хэ­рэгслийг ашиглан өөрийн орны эрх баригч­дыг мэдээ, мэдээл­лээр хангаж буй эсэхийг олж тогтоох юм байна.

Үүний хариуд Хята­дын "Хуавей" компанийн га­даад харилцааны ал­баны дарга Виллиам Пламмер "Тус компанийн техник, тоног төхөөрөм­жийг ха­рил­цаа холбооны сал­барт тэргүүлэгч 50 гаруй компаниас 45 нь үйл ажил­лагаандаа хэ­вийн ашиг­лаж байна. АНУ-ын эрх баригчдын гаргасан шийд­­вэр ямар ч үндэс­лэлгүй, биднийг зо­риуд шахан гаргах гэж төлөв­лөсөн үйлдэл" хэ­мээн мэ­дэгджээ. Мөн "Зи Ти И" компанийн төлөө­лөгч "Хя­тадын компаниу­дын та­лаар гаргасан дүг­нэлтийг үндэсний аюул­гүй бай­далтай холбоотой тайл­барлаж байгаад ха­рам­саж байна" гээд АНУ-ын зах зээл дээр бизне­сийн шударга, нээлттэй өрсөл­дөөн явуулахыг уриалсан байна.

АНУ дахь Хятадын ЭСЯ-ны хэвлэлийн тө­лөө­лөгч Ван Баодон "Хуавей" болон Хятадын бусад ком­паниудыг хол­бооны хуу­лийн дагуу үйл ажиллагаа явуулдаг, Аме­рикийн бу­сад биз­несийн бай­гуул­лагуу­дын найд­вартай түнш гэдэгт итгэж байна" гэсэн мэдэгдлийг ч хийжээ.

Мэдээлэл холбооны төхөө­рөмж үйлдвэрлэгч дээрх ком­па­ниуд Хятадын төрийн бай­гуул­ла­гууд болон тусгай албадтайгаа хамт­ран ажилладаг гэсэн хард­ла­гыг хэд хэдэн улс орны тагнуулын байгууллага Засгийн газартаа илтгэж байсан баримт бий. Анг­лийн "Бритиш Телеком" компанид төс­лөөр нийлүүлсэн тоног төхөө­рөм­жид мэдээлэл хулгайлах чип суурилуулсан байх магадлалтай хэмээн Английн Тагнуулын бай­гуул­лага мэдэгдэж байв. Энэтхэг улс мөн шалтгаанаар Хятадын дээрх компаниудын төхөөрөмж импортлохыг хориглож байсан, Гамбид үүрэн холбооны сүлжээ байгуулах төсөлд ялсан боловч мэдээллийн аюулгүй байдлын улмаас Засгийн газар нь гэрээг цуцалсан зэрэг жишээг дурдаж болно.

Эдгээр компаниуд аливаа тө­сөл, тендерт орохдоо авлига, хахууль өгч ялж байсан тохиолдол ч мөн нэлээд гарч байжээ. Филип­пинд Үндэсний их багтаамжийн сүлжээ байгуулах "Зи Ти И" ком­па­нийн төсөлтэй холбоотой их хэм­жээ­ний авлигын хэрэг илэрч гэрээ байгуулагдсанаас хойш долоон сарын дараа цуцлагдаж байв. Этиоп улсын харилцаа, холбооны салбарт зээл олгосон бөгөөд үүний хариуд тус улсад дангаараа төхөө­рөмж нийлүүлэх эрхтэй болжээ. Либери улсад тендерт хэдий ялагд­сан ч, хахууль өгснөөр төхөө­рөмж нийлүүлэхээр болсон. Гэвч энэ асуудлаар шүүхэд дуудагдаж байгаа зэрэг чих халууцам нам­тар­тай юм байна.

Дээрх мэдээллийг бид уншаад өнгөрөхөөс илүүтэй анхаарлаа хандуулах ёстой юм. Учир нь Мон­гол Улсын харилцаа холбооны салбарт үйлчилгээ үзүүлдэг ком­па­ниуд 2004 оноос хойш Хятадын "Хуавэй", "Зи Ти И" компаниудад үйлдвэрлэсэн тоног төхөөрөмжийг түлхүү ашиглаж эхэлсэн бөгөөд нийт төхөөрөмжийн 80-90 хувьд хүрсэн гэж мэргэжилтнүүд үздэг.

Монгол Улсын Засгийн газарт БНХАУ-ын Засгийн газраас олгох 300 сая ам.долларын худалдан авагчийн хөнгөлөлттэй зээлийн хү­рээнд "Мэдээлэл, холбооны нэгд­сэн сүлжээний өргөтгөл, ши­нэч­лэл" төслийн тендерт Хятадын дөрвөн компани оролцож "Зи Ти И" компани шалгарчээ. Аз болоход уг төслийн зориулалтыг өөрчилж зөвхөн шилэн кабель нийлүүлэх шийдвэр гарсан сурагтай.

АНУ болон бусад улс орнууд Хятадын эдгээр компанийн тоног тө­хөөрөмжийг ашиглахаас тат­галз­вал бид яах вэ. Нүдээ аниад, чихээ бөглөөд суугаад байх уу.

Д.АРИУН

http://www.dailynews.mn/?vfile=7&vmet_id=23335&vmet_main=8453

Тэтгэвэрт гарав.

Монгол гэр Торонтод

АНУ-ын санхүүгийн төв Уолл Стрийт жагсаал цуглааны халдвар Канадад нөлөөлж ижил зорилготой “Торонтог эзэл" хөдөлгөөн Торонто хотноо өрнөж буй аж.

Сонирхолтой нь хөдөлгөөнд оролцогчид Монгол гэр ашиглаж байна. Тэд өнгөрсөн аравдугаар сарын дундаас хойш хотын Гэгээн Жеймсийн хүрээлэнд байрлаж байгаа бөгөөд энэ сарын эхээр гурван Монгол гэр барьжээ.

Таваас найман хана бүхий эл гурван гэрт номын сан, эмнэлгийн тусламж үзүүлэх хэсэг байрлуулсан байна. Гэрүүдийг Канадын үйлдвэрчний эвлэлийн байгууллагууд жагсагчдад өвлийн бэлтгэлээ базаахад нь туслах зорилгоор хандивласан гэнэ. 20 мянган ам.долларын үнэтэй эдгээр гэр жагсагчдын хувьд өвлийг дааралгүй давахад туслах ч тэднээс чухам хэн нь байрлах вэ гэдэг асуудал тулгараад байгаа аж. Үүний сацуу байгууллагууд Монгол гэрийн ашигтай, давуу талыг сурталчилсан зурагт хуудас, танилцуулга байрлуулж 75 мянган ам.долларын үнэтэй гэрийг ч санал болгож байгаа гэнэ.

Монгол гэрийг Канадын үйлдвэрчний эвлэлийн байгууллагууд ямар технологиор бүтээж, ямар зарчмаар дотоод бүтцийг нь зохион бүтээсэн эсэх нь сонирхол татаж байгаа юм.

Мөн тарааж өгсөн гэрүүд өөр, өөрийн гэсэн үнэтэй бөгөөд дээр дурьдсанчлан 20 мянгаас 75 мянган ам.долларын хооронд үнэ, өртөг нь хэлбэлздэг аж.

Майхны хажууд гэр бол тансаг хэрэглээ л дээ.

Эд нарт эвхдэг гэрээ аваачаад шахчих юмсан. Давхаргыг нь нэмээд.

Эх сурвалж: http://news.gogo.mn/r/96997

http://ger.mn/